Załaty zapas Biełarusi za 2016 hod vyras na adnu tonu i na 1 studzienia 2017 hoda skłaŭ 39,1 tony, śviedčać dadzienyja Nacyjanalnaha banka.
Pry hetym asnoŭny pryrost adbyŭsia ŭ druhim paŭhodździ, kali załaty zapas pavialičyŭsia na 900 kh.
Na 1 studzienia 2016 hoda załaty zapas Biełarusi składaŭ 38,1 tony, hodam raniej — 36,5 tony.
Załaty zapas — heta kaštoŭnyja mietały ŭ vyhladzie bankaŭskich źlitkaŭ, jakija znachodziacca ŭ padparadkavańni Nacbanka i jakija źjaŭlajucca častkaj Dziaržaŭnaha fondu kaštoŭnych mietałaŭ i kaštoŭnych kamianioŭ Respubliki Biełaruś.
Załaty zapas vystupaje ŭ roli reziervovaha aktyvu ŭ składzie zołatavalutnych reziervaŭ, zabiaśpiečvajučy dyviersifikacyju partfiela reziervaŭ.
Jak adznačajuć u hałoŭnym banku krainy, najaŭnaść załatoha zapasu «padtrymlivaje davier rezidentaŭ i nierezidentaŭ da zdolnaści Nacbanka i ŭrada vykonvać svaje finansavyja abaviazacielstvy i pravodzić manietarnuju palityku. Taksama kaštoŭnyja mietały mohuć być vykarystany ŭ vypadku nieabchodnaści šlacham ich prodažu, abmienu abo vykarystańnia ŭ raźlikach».
Kaštoŭnaści załatoha zapasu zachoŭvajucca ŭ Centralnym schoviščy Nacyjanalnaha banka, a taksama raźmiaščajucca na rachunkach i ŭ depazitach za miažoj.
