Arbitalnuju sistemu aśviatleńnia ziamnoj pavierchni soniečnym śviatłom prapanujuć realizavać śpiecyjalisty rakietna-kaśmičnaj karparacyi «Enierhija», paviedamlaje TASS.
«Sistemy arbitalnaha aśviatleńnia ziamnoj pavierchni mohuć pavialičvać praciahłaść śvietłavoha dnia i źmianiać śpiektr śvietłavoha patoku. Jany pabudavanyja na asnovie kaśmičnych aparataŭ-reflektaraŭ z adbivalnikami, jakija znachodziacca na kalaziamnoj arbicie», — havorycca ŭ dakładzie śpiecyjalistaŭ karparacyi, jaki budzie pradstaŭleny na Akademičnych čytańniach pa kasmanaŭtycy.
Śpiecyjalistami ŭ dakładzie buduć razhledžanyja prablemy ekspłuatacyi takich spadarožnikaŭ, biaśpieku ich funkcyjanavańnia, daśledavany śpiektr vypramieńvańnia, adlustravanaha ad roznych mietaličnych pakryćciaŭ, jakimi prapanujecca pakryvać «lusterka» kaśmičnaha aparata.
Uličvajučy, što štučnaje aśviatleńnie ŭ načny čas moža parušać bijałahičnyja reakcyi ŭ mnohich žyvych arhanizmaŭ, u tym liku ŭ ludziej, supracoŭniki RKK «Enierhija» prapanujuć pry aśviatleńni Ziamli adlustravanym soniečnym śviatłom panižać kolkaść adlustravanaj ŭltrafijaletavaj radyjacyi i siniaha śviatła.
