Zavod pa vytvorčaści aŭtamabilaŭ Geely pracuje ŭ zvyčajnym režymie. Tak na SZAT «BiełDžy» prakamientavali infarmacyju ŭ ŚMI pra zakryćcio kanviejera ŭ Barysavie ŭ suviazi tym, što pradpryjemstva nibyta nie ŭpisvajecca ŭ novyja narmatyvy Jeŭrazijskaha ekanamičnaha sajuza pa łakalizacyi vytvorčaści.
«Praca jak išła, tak i idzie. Adhruzki ažyćciaŭlajucca», — paviedamiła BiełaPAN mieniedžar pa suviaziach z hramadskaściu SZAT «BiełDžy» Alena Značonak.
Pavodle jaje słoŭ, infarmacyja ab zakryćci vytvorčaj placoŭki ŭ Barysavie źjaŭlajecca niepraŭdzivaj.
U pačatku hetaha tydnia telekanał «Biełsat» sa spasyłkaj na kiraŭnictva pradpryjemstva paviedamiŭ, što vytvorčaja placoŭka «BiełDžy» ŭ Barysavie začyniena z pačatku hetaha hoda. Pryčynaj stali novyja normy JEAES pa 30-pracentnaj łakalizacyi vytvorčaści, u jakija nie ŭpisvajecca zavod. Novy zavod pa vypusku aŭtamabilaŭ usio jašče dabudoŭvajecca, jaho zapusk zapłanavany na lipień hetaha hoda.
U SZAT «BiełDžy» paćvierdzili infarmacyju ab tym, što pradpryjemstva aktyŭna rychtujecca da pierajezdu na novuju placoŭku.
«Mantaž asnoŭnaha abstalavańnia zavieršany. Idzie aktyŭnaja padrychtoŭka da puska-naładačnyja raboty. Aficyjnaje adkryćcio płanujecca na lipień», - skazała Značonak.
