Žychar Minskaha rajona na praciahu dvuch dzion palavaŭ na ŭčastku susieda, paviedamili karespandentu ahienctva «Minsk-Naviny» ŭ Minskaj rajonnaj inśpiekcyi achovy žyviolnaha i raślinnaha śvietu.
Kamiennaja kunica. Fota worldunique.ru
— Na praciahu dvuch dzion hramadzianin Ł., jaki pražyvaje ŭ Minskim rajonie, pravodziŭ niezakonnaje palavańnie kala stalicy, — raspaviadaje staršy dziaržaŭny inśpiektar Minskaj rajonnaj inśpiekcyi achovy žyviolnaha i raślinnaha śvietu Alaksandr Hładziłaŭ. — Pryčym rabiŭ jon heta biezružejnym sposabam, z dapamohaj dźviuch pastak, na susiednim dačnym učastku sadavodčaha tavarystva, nie majučy palaŭničaj pucioŭki abo dazvołu na zdabyču dzičyny ŭ zabaronienym dla hetaha miescy.
Pa słovach parušalnika, takim čynam jon chacieŭ złavić kamiennuju kunicu. Adnak jaho dziejańni byli prypynienyja supracoŭnikami inśpiekcyi. Hramadzianin Ł. parušyŭ praviły viadzieńnia palaŭničaj haspadarki i palavańnia i ździejśniŭ administracyjnaje pravaparušeńnie, adkaznaść za jakoje praduhledžana č. 1 art. 15:37 KaAP Respubliki Biełaruś. Jamu pahražaje štraf u pamiery ad 20 da 50 bazavych vieličyń.
