Alaksandr Łukašenka nakiravaŭ spačuvańnie rodnym i blizkim narodnaha artysta Biełarusi Alaksandra Cichanoviča.
«Prymicie maje hłybokija spačuvańni ŭ suviazi z adychodam z žyćcia vydatnaha muzykanta i cudoŭnaha čałavieka. Alaksandr Cichanovič upisaŭ niezabyŭnuju staronku ŭ historyju ajčynnaj estrady, pieśni ŭ jaho vykanańni stali załatymi šlahierami na ŭsie časy», — pryvodzić spačuvańnie dziaržaŭnaje ahienctva BiełTA.
«Čałaviek vializnaha talentu i ščodraj dušy, jon vychavaŭ cełuju plejadu jarkich maładych artystaŭ i byŭ prykładam addanaści mastactvu i svaim słuchačam. Śvietłaja pamiać pra Alaksandra Cichanoviča zastaniecca ŭ našych sercach», — adznačyŭ Łukašenka.
Narodnaha artysta Biełarusi Alaksandra Cichanoviča nie stała ŭ noč na 28 studzienia. Jamu było 64 hady.
