tass.ru
Mikałaj Pisaraŭ u najbližejšy čas budzie pryznačany hałoŭnym trenieram zbornaj Biełarusi pa futbole, paviedamlajuć «Iźviestija» sa spasyłkaj na krynicu, znajomuju ź situacyjaj.
Na hetaj pasadzie jon źmienić zvolnienaha ŭ kancy śniežnia Alaksandra Chackieviča. Paśla čatyroch turaŭ zbornaja Biełarusi zajmaje pieradapošniaje, piataje, miesca ŭ hrupie A adboračnaha turniru ČS-2018 śledam za Francyjaj, Hałandyjaj, Šviecyjaj i Bałharyjaj. U našaj zbornaj tolki dva bały ŭ čatyroch matčach.
«Zaraz Biełaruskaja fiederacyja futboła i Mikałaj Pisaraŭ ŭłahodžvajuć apošnija farmalnaści pierad padpisańniem kantraktu. Najbližejšym časam pra zaklučeńnie pahadnieńnia z rasijskim śpiecyjalistam budzie abvieščana aficyjna. Pisaraŭ doŭha razvažaŭ pra toje, ci varta jamu pakidać pasadu staršaha treniera maładziožnaj zbornaj Rasii. Ale potym usio ž taki vyrašyŭ pasprabavać svaje siły na novym miescy», — kaža krynica.
25 sakavika zbornaja Biełarusi ŭ ramkach adboru da ČS-2018 hulaje sa Šviecyjaj.
