U Biblijatecy Kanhresa ZŠA ŭ Vašynhtonie adbyłasia stratehičnaja hulnia, scenaram jakoj była abarona krain Bałtyi ad ataki z boku Rasii, napisaŭ u svaim Facebook kiraŭnik kamisii pa zamiežnych spravach parłamienta Estonii Marka Michielsan (Marko Mihkelson).
U hulni, jakaja adbyłasia na realnaj mapie, dzie fiškami adznačalisia siły NATA i Rasii, udzielničali analityki daśledčaj karparacyi RAND, a taksama dziejučyja siabry Kanhresa ZŠA ad Respublikanskaj i Demakratyčnaj partyj.
Udzielniki zmahli acanić uzrovień padrychtavanaści vojskaŭ Estonii, Litvy i Łatvii, a taksama inšych krain NATA da supolnaj abarony. Razhladałasia pytańnie pra ŭzrovień žadańnia chaŭruśnikaŭ krain Bałtyi dapamahać im u abaronie, a taksama terminaŭ reakcyi na pahrozu.
Paśla viartańnia ŭ Estoniju parłamientaryj padzialiŭsia ŭražańniami adnosna budučaj palityki ZŠA pry Trampie.
«Adyści ad sankcyj niemahčyma, pakul nie źjavicca pazityŭnaja dynamika va ŭschodniaj Ukrainie. Pytańnie sankcyj jašče adkrytaje — zaraz Tramp admianiać ich nie budzie», — skazaŭ Michielsan.
Letam 2016 hoda kamandujučy ŭzbrojenymi siłami ZŠA ŭ Jeŭropie hienierał-lejtenant Bien Chodžes zajaviŭ, što ŭ sučasnych umovach NATA nie zmoža abaranić krainy Bałtyi ŭ vypadku napada z boku Maskvy.
Vosieńniu 2016 hoda ekśpierty RAND apublikavali vyniki svaich stratehičnych hulniaŭ, zhodna ź jakimi NATA prosta nie paśpieje pierakinuć u krainy Bałtyi dastatkova vojsk — Rasija, majučy šmatkrotnuju pieravahu ŭ siłach, paśpieje zachapić Estoniju, Łatviju i Litvu za 3-4 dni. Z hetaj pryčyny RAND rekamiendavaŭ nakiravać u rehijon dadatkovyja siły aljansa.
U kancy 2016-pačatku 2017 hoda ZŠA pačali pierakidvać va Uschodniuju Jeŭropu svaju braniatankavuju bryhadu.
