Žycharku Sočy Aksanu Sevastydzi, jakuju praz SMS abvinavacili ŭ dziaržaŭnaj zdradzie, pravaabarončy centar «Memaryjał» pryznaŭ palitźniavolenaj.
U 2008 hodzie padčas rasiejska-hruzinskaj vajny Sevastydzi adpraviła svajmu hruzinskamu siabru SMS-paviedamleńnie, dzie apaviała, što ŭbačyła na vulicach Sočy rasiejskuju vajennuju techniku. Za heta žančynu abvinavacili ŭ «dziaržaŭnaj zdradzie»: u sakaviku 2016 hodu rasiejski sud asudziŭ jaje na 7 hadoŭ kalonii.
«Infarmacyja, jakuju jana pieradała, była dastupnaja nieabmiežavanamu kołu ludziej, i Sevastydzi nie była papiaredžana pra jaje sakretnaść. My ličym niedapuščalnym uskładać na cyvilnych asob adkaznaść za tajamnicu vajennych aperacyj, a tym bolš kryminalizavać znosiny z zamiežnikami pra ŭbačanaje na vulicy. Kali padobnaja praktyka stanie normaj, heta vykliča katastrafičnyja nastupstvy dla pravoŭ čałavieka ŭ Rasiei», — adznačajecca ŭ zajavie rasiejskich pravaabaroncaŭ.
Raniej pa analahičnaj spravie była asudžana hramadzianka Hruzii Kaciaryna Charebava, jakaja žyła ŭ Sočy. Jaje taksama pryznali palitźniavolenaj. Letam 2016 hodu jaje vyzvalili ŭ ramkach abmienu z Hruzijaj.
Usiaho, pavodle pravaabarončaha centru «Memaryjał», u turmach i kalonijach Rasiei znachodzicca 103 palitviaźni.
