Biełaruskija ałkahol i tytuniovyja vyraby vyzvalajucca ad akcyzaŭ pry prodažy uładalnikam kram duty free ŭ 2017 hodzie. Adpaviedny ŭkaz №35 ad 2 lutaha, jaki ŭnosić źmieny ŭ ukaz №173 ad 25 krasavika 2015 hoda «Ab vyzvaleńni ad akcyzaŭ asobnych vidaŭ tavaraŭ», apublikavany na Nacyjanalnym pravavym internet-partale.
Zhodna sa źmianieńniami, u 2017-m, jak i ŭ papiarednija dva hady, vyzvalajucca ad akcyzaŭ ałkaholnyja napoi i tytuniovyja vyraby biełaruskaj vytvorčaści, jakija realizujucca ŭładalnikam kram biaspošlinnaha handlu dla dalejšaha prodažu.
Dakumient pryniaty dla ŭdaskanaleńnia paradku funkcyjanavańnia kram biaspošlinnaha handlu, pavieličeńnia abjomaŭ realizacyi ŭ ich ajčynnych tavaraŭ.
Ukaz ustupaje ŭ siłu paśla aficyjnaha apublikavańnia i raspaŭsiudžvaje svajo dziejańnie na adnosiny, jakija ŭźnikli z 1 studzienia 2017 hoda.
