Rabotnikam AAT «Minskhandalaŭtatrans» druhi hod zapar dobraachvotna-prymusova vydajuć siertyfikaty na nabyćcio tavaraŭ u handlovaj sietcy «Jeŭraopt» u košt zarabotnaj płaty.
Z takoj skarhaj źviarnuŭsia žychar stalicy na žyvuju liniju Minharvykankama da vykonvajučaha abaviazki namieśnika staršyni Minskaha haradskoha vykanaŭčaha kamiteta — staršyni kamiteta ekanomiki Mikałaja Rahaščuku, pieradaje ahienctva «Minsk-Naviny».
«Ja zvyčajna nabyvaju pradukty ŭ inšych kramach, ale siertyfikaty nam naviazvajuć, namiakajučy, što, admoviŭšysia ad ich, možam pazbavicca pracy», — narakaje hramadzianin.
U Minharvykankamie zvarot ŭziali na kantrol. Raźbiracca ŭ situacyi budzie kamitet pa pracy, zaniataści i sacyjalnaj abaronie nasielnictva, a taksama padatkovaja.
