Blizkim svajakam mohuć dać prava abmiažoŭvać dostup hulniamanam u kazino, ihralnyja kłuby, paviedamiŭ padčas anłajn-bryfinhu na sajcie soyuz.by namieśnik staršyni pastajannaj kamisii pa zakanadaŭstvie Pałaty pradstaŭnikoŭ Nacyjanalnaha schodu Maksim Miśko.
Pavodle jaho słoŭ, takaja norma praduhledžana prajektam narmatyŭnaha aktu, jaki razhladajecca ŭ parłamiencie. «Ź`iavicca mahčymaść členam siam`i (baćkam, žonkam, dzieciam) być inicyjatarami ŭ raspačynańni spraŭ z prośbaj abmiežavać fizičnuju asobu ad naviedvańnia ihralnych ustanoŭ. Ciapier jość norma, zhodna ź jakoj sama fizičnaja asoba moža na siabie napisać zajavu i abmiežavać sabie dopusk u ihralnyja ŭstanovy. I vypadkaŭ takich šmat. Novaja norma kaža: kali jana hetaha nie žadaje, a heta pahražaje dabrabytu siam`i, to ŭ dadzienym vypadku inicyjatarami raspačynańnia spravy mohuć być blizkija svajaki», — rastłumačyŭ deputat.
«Na naš pohlad, heta pravilna. Čałaviek žyvie ŭ siam`i, i treba razumieć, što z-za jaho zaležnaści mohuć paciarpieć ludzi, jakija žyvuć u siam`i. Asabliva dzieci, jakija znachodziacca pad jaho apiekaj», — ličyć Miśko.
Deputat paviedamiŭ, što ŭ jaho kamisii znachodziacca na razhladzie 11 zakonaprajektaŭ, siarod jakich papraŭki i źmieny ŭ Kryminalny i Kryminalna-pracesualny kodeksy, Hramadzianski i Hramadzianska-pracesualny kodeksy, zakon ab advakackaj dziejnaści, ab narmatyŭna-pravavych aktach, KoAP, Kodeks ab šlubie i siam`i.
Siarod navin Kodeksa ab šlubie i siam`i Miśko nazvaŭ zamacavańnie prava na znosiny ź dziciem nie tolki baćkoŭ, babul i dziadulaŭ, ale i prababul i pradziadulaŭ, rodnych bratoŭ i siaścior. «Jak pakazaŭ analiz zvarotaŭ hramadzian, hetaja norma akazałasia nie zusim ŭrehulavanaja, i ŭźnikali situacyi, kali prababuli i pradziaduli dla znosin z praŭnukami vymušanyja byli źviartacca ŭ sudy. Kali prymuć papraŭki, u hetym nie budzie nieabchodnaści», — rastłumačyŭ parłamientaryj.
Jon taksama paviedamiŭ, što płanujecca ŭnieści i pryniać normu, zhodna ź jakoj baćki — invalidy I i II hrup buduć vyzvalenyja ad abaviazku kampiensavać dziaržvydatki na ŭtrymańnie ich dziaciej, jakija znachodziacca na dziaržzabieśpiačeńni.