U Homieli zatrymanyja dźvie žančyny, jakija vykrali ŭznaharody ŭ 98-hadovaha vieterana.
Pažyły čałaviek źviarnuŭsia ŭ milicyju ŭviečary 4 lutaha. Pavodle słoŭ zajaŭnika, jon znachodziŭsia doma adzin, kali ŭ dźviery patelefanavali dźvie smuhłyja nieznajomki i paprasili papić vady. Haspadar puściŭ ich u kvateru, a paśla sychodu žančyn vyjaviŭ prapažu svaich bajavych uznaharod, jakija lažali ŭ skryncy. Taksama sa ściany źnik hadzińnik.
Jak paviedamiŭ aficyjny pradstaŭnik UUS Homielskaha abłvykankama Vital Prystromaŭ, supracoŭniki kryminalnaha vyšuku Savieckaha RAUS pa haračych śladach zatrymali padazravanych. Imi apynulisia dźvie niepracujučyja hamialčanki 45 i 34 hadoŭ. Starejšaja raniej była sudzimaja za kradziež.
Zładziejki nie paśpieli zbyć vykradzienyja ŭ vieterana ŭznaharody. U adnosinach da žančyn raspačataja kryminalnaja sprava za kradziež, učynieny hrupaj asobaŭ. Supracoŭniki milicyi praviarajuć zatrymanych na dačynieńnie da anałahičnych złačynstvaŭ.
