Kraŭdfandynhavaja płatforma Ulej.by zapuściła miechanizm vyvadu biełaruskich praduktaŭ na masavy rynak. Užo bolš za 30 vytvorcaŭ pačali supracoŭnictva ź placoŭkaj. Siarod ich jość jak maładyja dyzajniery i nievialikija manufaktury, tak i bujnyja hulcy. Ulej.by adkryje dostup šyrokaj aŭdytoryi da ich najnoŭšych raspracovak, na jakija ŭžo ciapier možna aformić pieradzamovu.
«U Biełarusi pracujuć sotni dyzajnieraŭ, manufaktur, siarednich i bujnych vytvorčaściaŭ. U mnohich ź ich jość aryhinalnyja raspracoŭki, a chtości ŭžo ciapier vypuskaje niejmaviernyja pa jakaści pradukty nievialikimi partyjami, što vymušaje pradprymalnikaŭ stavić vysoki košt na tavar, — raspaviadaje Eduard Babaryka, dyrektar pa raźvićci płatformy Ulej.by. — Kraŭdfandynh dapamahaje dyzajnieram i manufakturam vyvieści svaje raspracoŭki na masavy rynak i źnizić canu na ich, a vialikim i siarednim vytvorčaściam — adyści ad zvykłaj «štampoŭki» i pačać ekśpierymientavać. Kraŭdfandynh mianiaje kartu vytvorčaści pa ŭsim śviecie, dajučy šaniec na pośpiech biznesu i spraščajučy žyćcio spažyŭcam».
Niestandartny dyzajn, funkcyjanalnaść, vysokaja jakaść, aryhinalnaść, inavacyjnaść — i ŭsio heta pa kankurentnaj canie. Mienavita takija pieravahi hatovy prapanavać kraŭdfandynh biełarusam.
Jak ža heta pracuje?
Na sajcie Ulej.by biełaruskija vytvorcy vystaŭlajuć svaje raspracoŭki i pradukty, hatovyja da masavaj vytvorčaści.
Luby čałaviek, zacikaŭleny kankretnaj prapanovaj, moža pakinuć pieradzamovu na jaje stvareńnie prosta na placoŭcy. Kali popyt akažacca dastatkovym, pradukt pastupić u masavuju vytvorčaść.
Kali ž popyt na pradukt akažacca nizkim, to ŭsie pieradzamovy anulujucca, a ŭ aŭtaraŭ kampanii źjavicca mahčymaść pieraasensavać svoj pradukt, prapanavaŭšy rynku niešta pa-sapraŭdnamu kaštoŭnaje. Takim čynam, los biełaruskich praduktaŭ akažacca ŭ rukach patencyjnych pakupnikoŭ.
Na praciahu najbližejšych 4-ch miesiacaŭ na płatformie źjavicca bolš za 30 raspracovak ad biełaruskich vytvorcaŭ. Na dadzieny momant na sajcie raźmieščana 5 praduktaŭ, dastupnych spažyŭcu, kožny ź jakich zdolny razburyć niehatyŭny stereatyp ab tavarach ajčynnaj vytvorčaści.
Adzieńnie dla raźvićcia ad brenda «Kuryca Pamada»
Novy farmat family look. Adzieńnie, jakoje dazvalaje zajmacca ź dziciom, vyvučajučy lik, koler, raźvivajučy drobnuju matoryku. Kaśmičnaja tema dazvolić usioj siamji adpravicca ŭ zachaplalnaje padarožža, paznajomicca z soniečnaj sistemaj. U kamplekcie iduć źmiennyja elemienty, a taksama buklet ź cikavymi hulniami.
Šmatfunkcyjanalnyja kanvierty dla dziaciej ad naradžeńnia da hoda
Pieršy hod žyćcia — adzin z samych važnych pieryjadaŭ u žyćci dziciaci. Šmatfunkcyjanalny kanviert «Plušavy son» dazvolić maładym siemjam žyć paŭnavartasnym žyćciom, nie turbujučysia pra kamfort małoha. Vykarystańnie mahčyma ŭ aŭtamabili, kałyscy, na pryrodzie, doma, padčas hulniaŭ i pry lubych umovach nadvorja, a taksama ŭ luby siezon. Unikalnaj ułaścivaściu dadzienaha kanvierta źjaŭlajecca toje, što jon zdolny raści razam z vašym dziciom.
Aryhinalny načnik u vyhladzie vahona mietro
Niezvyčajny načnik ad dyzajn-studyi Hutkasmachnaa, prasiaknuty nastalhijaj i spakojem. Kłasičny dyzajn, vykanany ŭ vyhladzie vahona mietro, napoŭnić kvateru niejmavierna ciopłaj atmaśfieraj.
Zručnyja i funkcyjanalnyja cipi dla interjeru
Tradycyjnaje indziejskaje žytło — cipi — moža stać častkaj vašaha doma, napoŭniŭšy žyćcio vašych dziaciej pryhodami. Dziakujučy jakasnym materyjałam i ŭnikalnaj kanstrukcyi, jany lohkija va ŭstaloŭcy i pry pieranoscy. Cipi — heta ceły śviet dla vašych dziaciej.
Jakasnyja majki z aryhinalnymi pryntami pa nizkaj canie
Brend Zhart kidaje vyklik usioj lohkaj pramysłovaści. Akazvajecca, što jakasnuju adziežu možna šyć našmat tańniej, nie hublajučy pry hetym ni kropli aryhinalnaści. Niejmaviernyja pa svajoj jakaści majki ź niezvyčajnymi pryntami, razdrobny košt jakich składaje ŭsiaho tolki 18 rubloŭ.
* * *
Kraŭdfandynh
heta miechanizm pryciahnieńnia praź internet-placoŭki srodkaŭ ad šyrokich mas ludziej z metaj realizacyi kulturnych inicyjatyŭ, stvareńnia praduktaŭ, akazańnia dapamohi, padtrymki biznesu i h.d.
