Samalotu «Biełavija» Minsk - Sankt-Pieciarburh pryjšłosia viarnucca ŭ Minsk z-za zhrai ptušak. Bort ščaśliva pryziamliŭsia ŭ Nacyjanalnym aeraporcie, pasažyry čakajuć zamieny samalota. Ab ekstranaj pasadcy paviedamlaje pres-słužba avijakampanii.
— Paśla ŭźlotu, na vyšyni kala 150 mietraŭ, «Boinh 737-500» sutyknuŭsia sa zhrajaj ptušak, - paviedamili TUT.BY u pres-słužbie. — Ptuška trapiła ŭ ruchavik. Kamandzir pryniaŭ rašeńnie ab viartańni ŭ Minsk. Samalot vypracavaŭ paliva i ščasna ažyćciaviŭ pasadku.
Pasažyram ekipaž paviedamiŭ ab tym, što pa techničnych pryčynach samalot vierniecca ŭ Minsk. Adnoj pasažyrcy stała drenna — tamu da borta samalota daviałosia vyklikać chutkuju dapamohu.
Pavietranaje sudna zamianili, samalot užo vylecieŭ ź Minska ŭ Pieciarburh. Čakajecca, što z-za zatrymki jon vierniecca z Sankt-Pieciarburha ŭ Minsk u 23.50 zamiest 21.30 pa raskładzie.