Łondanskaja palicyja miarkuje, što vykanaŭca teraktu la parłamienta Vialikabrytanii dziejničaŭ pad upłyvam mižnarodnaha teraryzmu. Pra heta zajaviŭ pamočnik kamisara Skotłand-Jarda Mark Roŭli.
Adkazvajučy na ŭdakładniajučaje pytańnie žurnalista, jon zajaviŭ, što havorka idzie pra «źviazany ź isłamizmam» teraryzm.
Roŭli paćvierdziŭ, što palicyja ŭstanaviła asobu napadnika, ale admoviŭsia paviedamić jakija-niebudź padrabiaznaści.
***
22 sakavika nieviadomy mužčyna na mašynie źbiŭ niekalkich piešachodaŭ na Viestminsterskim moście ŭ Łondanie i kala budynka parłamienta, paśla čaho napaŭ z nažom na palicejskaha. Pa mienšaj miery čatyry čałavieki, u tym liku palicejski, zahinuli. Paciarpieli kala 40 čałaviek; siarod ich jość zamiežniki i dzieci.
Napadnik byŭ zastreleny. U palicyi zajavili, što jaho asoba ŭstanoŭlena, adnak jaho imia pakul nie paviedamlałasia.
