Ułada nie maje namieru zajmacca represijami. Pra heta zajaviŭ aficyjny pradstaŭnik MZS Biełarusi Dźmitryj Mirončyk, adkazvajučy na pytańni žurnalistaŭ ab reakcyi biełaruskaha boku na zajavy jeŭrapiejskich pradstaŭnikoŭ z nahody zatrymańniaŭ u Biełarusi ŭdzielnikaŭ akcyjaŭ pratestu, paviedamlaje Tut.by.
«My źviarnuli ŭvahu na zhadanuju zajavu. Heta punkt hledžańnia našych partnioraŭ, my pavažajem ich padychody i prymajem da viedama ich pazicyju. My vystupajem za ciesnaje ŭzajemadziejańnie i dyjałoh ź ES pa ŭsich pytańniach, uklučajučy tematyku pravoŭ čałavieka. Ale niekatorym vonkavym i unutranym siłam taki dyjałoh nie pa dušy, i robiacca sproby jamu pieraškodzić. U tym liku šlacham štučnaha nahniatańnia situacyi», — skazaŭ Mirončyk.
Jon taksama padkreśliŭ, što «ŭłada nie maje namieru zajmacca «represijami», ale reakcyja budzie».
«Reakcyja budzie spakojnaj, ale adekvatnaj. Zakon jość zakon, jon pavinien vykonvacca. Stabilnaść u krainie i biaśpieka hramadzian — pryjarytetnyja zadačy dla ŭładaŭ u luboj dziaržavie, i Biełaruś tut nie vyklučeńnie», — adznačyŭ pradstaŭnik MZS.
