Historyja pačałasia niekalki hadoŭ tamu, paviedamili BIEŁTA ŭ Mazyrskim rajonnym adździele Śledčaha kamiteta.
Žančyna ŭhavaryła siabroŭ, kab jany aformili na siabie kredyty, a hrošy addali joj. Pry hetym, naturalna, harantavała samastojna pahašać asnoŭny doŭh i pracenty. Pieršapačatkovaja suma pazyk skłała bolš za $10 tysiač. Atrymaŭšy hetyja hrošy, pradprymalnaja dama aformiła jašče čatyry kredyty na siabie.
Jak vyśvietliłasia paśla, viartać hrošy bankam, jak i vykonvać abaviazacielstvy pierad siabrami, jana nie źbirałasia. Kali ž joj pačali pastupać napaminki ab abaviazkach, žančyna kinułasia na ŭcioki, vyznačyŭšy miescam žycharstva Maskvu, dzie praź niekatory čas jaje i zatrymali palicyjanty.
U pačatku hoda machlarku pieraviali ŭ Mazyrski IČU, dzie jana, chutčej za ŭsio, budzie znachodzicca da suda. Žančynie vystaŭlenaje abvinavačvańnie pa č. 4 art. 209 KK (machlarstva ŭ asabliva bujnym pamiery), a taksama pa č. 2 art. 363 KK (supraciŭ supracoŭniku orhanaŭ unutranych spraŭ pry vykanańni prafiesijnych abaviazkaŭ) — akazałasia, što ŭ 2012 hodzie žančyna, chavajučysia ad dziaržaŭtainśpiektaraŭ, naniesła im lohkija cialesnyja paškodžańni. Za zroblenaje abvinavačanaj pahražaje da dziesiaci hadoŭ pazbaŭleńnia voli.
