Prezident Rasii Uładzimir Pucin prybyŭ na archipiełah Ziamla Franca-Iosifa, dzie aznajomicca z vynikami «hienieralnaj uborki» rehijonu, paviedamlaje TASS.
Taksama padčas svajho vizitu Pucin sustreniecca z supracoŭnikami palavoj bazy «Amieha» nacyjanalnaha parku «Ruskaja Arktyka», dzie jamu raspaviaduć ab praviadzieńni ačystki šaści paciarpiełych vyspaŭ archipiełaha. U horadzie Archanhielsku 30 sakavika Pucin voźmie ŭdzieł u rabocie IV Mižnarodnaha forumu «Arktyka — terytoryja dyjałohu».
Pres-sakratar Pucina Dźmitryj Piaskoŭ 28 sakavika paviedamlaŭ, što pajezdka moža nie adbycca z-za niaŭstojlivaha nadvorja.
Pravieści «hienieralnuju ŭborku» Pucin daručyŭ u 2010 hodzie paśla svajho naviedvańnia rehijonu. Prezident prylataŭ na vostraŭ Ziamla Alaksandry (uvachodzić u skład archipiełaha Ziamla Franca-Iosifa), kali zajmaŭ pasadu kiraŭnika ŭrada.
U ramkach pajezdki rasijski prezident byŭ u buchcie Paŭnočnaja, dzie ahledzieŭ zvałku pamieram u 100 ha. Usiaho na archipiełahu było vykinuta da 250 tys. bočak z 40-60 tys. t naftapraduktaŭ, a taksama mietałałom, vuhal i technika.
