Da kanca hoda kurs dalara pavinien skłaści kala 68 rasijskich rubloŭ, zajaviŭ ministr ekanamičnaha raźvićcia Rasii Maksim Areškin, pradstaŭlajučy aficyjny ekanamičny prahnoz na bližejšyja try hady. Pavodle jaho słoŭ, u bližejšyja miesiacy ministerstva čakaje «surjoznaje pasłableńnie rubla» — da 63-64 rubloŭ za dalar.
Areškin znoŭ zajaviŭ, što ciapier kurs rubla značna macniejšy, čym praduhledžvaje aficyjnaja ekanamičnaja madel. Pry hetym Minfin apošnija miesiacy śpiecyjalna skuplaje valutu, što pa idei pavinna asłablać rubiel. Ale kurs ciapier navat macniejšy, čym pavinien byŭ by być, kali b Minfin ničoha nie rabiŭ, patłumačyŭ Areškin.
Zaraz u rasijskija aktyvy (rubiel, dziaržaŭnyja papiery) prybyvaje zamiežny kapitał. Heta adzin z faktaraŭ, jaki ruchaje rubiel ŭvierch, patłumačyŭ Areškin. Ale chvali prytoku źmianiajucca adtokam abo stabilizacyjaj, nahadaŭ jon. Tak što ministerstva čakaje «surjoznaje pasłableńnie rubla ŭ bližejšyja miesiacy», abviaściŭ ministr - da 63-64 rubloŭ za dalar, kali cana na naftu zachavajecca na raniejšym uzroŭni, udakładniŭ Areškin u adkaz na pytańnie Daždžu. U vypadku, kali nafta patańnieje da 40 dalaraŭ za barel (hetaja cana zakładzienaja ŭ dziejučym aficyjnym prahnozie), dołar moža padaražeć da 68 rubloŭ jašče da kanca hoda.
Rezkaha padzieńnia nie budzie, supakoiŭ Areškin. «Zaraz vielmi dobryja pakazčyki płaciožnaha bałansu», - skazaŭ jon. Da kanca hoda kurs usio roŭna pavinien dasiahnuć 68 rubloŭ za dalar, vynikaje z prahnozu Minekanamraźvićcia, a siaredniehadavy kurs składzie krychu bolš za 64 rubloŭ z ulikam ciapierašnich značeńniaŭ. Kurs dalara 6 krasavika skłaŭ 55,8 rasijskaha rubla.
