Za paŭhoda da premjery Cirque du Soleil vykanaŭcy hałoŭnych rolaŭ śpiektakla Varekai pryjeduć u Minsk i daduć 19 krasavika niekalki nievialikich šou prosta na vulicach stalicy, piša BIEŁTA.
Vystupy projduć u 4-5 roznych miescach horada.
Zahadkavaje słova Varekai u pierakładzie z movy cyhan aznačaje «dzie zaŭhodna», «dzie b toje ni było». Ideja chvalujučaha padarožža, spantannaha pieramiaščeńnia ŭ prastory i časie znajšła svajo adlustravańnie ŭ biełaruskim fłešmobie ŭ vykanańni trupy artystaŭ Cirque du Soleil. Tut usio budzie pa-sapraŭdnamu: muzyka Vialen Karadzi, chareahrafija Debry Lin Braŭn i kaściumy łaŭreata premii Oskar Ejka Isioka.
Raniej u roznych krainach śvietu hledačami dziŭnaha spantannaha ekvilibru stali tysiačy vypadkovych minakoŭ.
Akramia taho, arhanizatary šoŭ Varekai u Biełarusi — kancertnaje ahienctva «Atam Intertejnment» — padrychtavali padarunak prychilnikam Cirque du Soleil: mahčymaść vyjhrać kvitok na fantastyčnaje šou, jakoje projdzie ŭ «Minsk-Arenie» z 28 vieraśnia pa 1 kastryčnika.
Uziać udzieł prosta: treba znajści artystaŭ Cirque du Soleil, jakija vystupajuć na vulicy Minska, zrabić fota vystupu abo sełfi z artystami i raźmiaścić jaho na svajoj staroncy ŭ sacsietcy z chešteham #CDSMinsk2017. Aŭtar samaha cikavaha zdymka atrymaje bilet na šou Varekai ŭ Minsku. Pieramožcu vyznačać supracoŭniki ahienctva «Atam Intertejnment».
