Prezident Rasii Uładzimir Pucin padpisaŭ ukaz, jaki daje prava Fiederalnaj słužbie biaśpieki Rasii «ŭ miežach svaich paŭnamoctvaŭ» prymać rašeńni ab kanfiskacyi ziamielnych učastkaŭ i raźmieščanych na ich abjektaŭ nieruchomaści. Raniej heta prava atrymała FSA, piša VVS.
Učastki i raźmieščanyja na ich budynki FSB moža adbirać «dla dziaržaŭnych patreb».
Ukaz apublikavany na aficyjnym partale pravavoj infarmacyi.
Rašeńni ab kanfiskacyi śpiecsłužba pavinna prymać «u miežach svaich paŭnamoctvaŭ», havorycca ŭ dakumiencie. Što majecca na ŭvazie, u tekście nie ŭdakładniajecca.
FSB zmoža zabirać ziamli dla dziaržaŭnych patreb tolki «ŭ vyklučnych vypadkach», apisanych u 49-j artykuła Ziamielnaha kodeksa Rasii, havaryłasia ŭ tłumačalnaj zapiscy da prajekta adpaviednaha prezidenckaha ŭkaza.
Hetyja vyklučeńni ŭklučajuć vykanańnie Rasijaj mižnarodnych dahavoraŭ i budaŭnictva abjektaŭ dziaržaŭnaha značeńnia (aŭtadaroh, enierhasistem, abaronnych abjektaŭ i hetak dalej).
U kancy sakavika prezident padpisaŭ anałahičny ŭkaz, jaki tyčycca Fiederalnaj słužby achovy (FSA). U im havaryłasia, što viedamstva moža adbirać ziamielnyja ŭčastki «ŭ metach budaŭnictva i rekanstrukcyi abjektaŭ fiederalnaha značeńnia, jakija nieabchodnyja dla ažyćciaŭleńnia paŭnamoctvaŭ» słužby.
Da hetaha FSA mahła tolki ažyćciaŭlać biesterminovaje prava karystańnia ziamloj. Kab kanfiskafać učastak, śpiecsłužbie patrabavałasia pastanova ŭrada Rasii.
