Jak stała viadoma zakrytamu ŭładami pravaabarončamu centru «Viasna», kiraŭnik babrujskaha kłuba «Patryjot» Mikałaj Michalkoŭ adpuščany na svabodu.
Michalkoŭ starejšy zastavaŭsia apošnim ź fihurantaŭ spravy ab padrychtoŭcy masavych biesparadkaŭ ź liku «patryjotaŭ».
Nahadajem, Mikałaj Michalkoŭ byŭ zatrymany 24 sakavika i pieršapačatkova znachodziŭsia ŭ SIZA KDB, dzie jamu było aficyjna pradjaŭlena abvinavačvańnie pa č.3 art. 293 KK RB. Paśla byŭ pieraviedzieny ŭ SIZA-1 na Vaładarskaha. Dadadzim, što jon źjaŭlaŭsia adnym z troch fihurantaŭ spravy, jakim nie było pradjaŭlena dadatkovaje abvinavačvańnie, źviazanaje ź niezakonnym uzbrojenym farmavańniem.
Takim čynam, za kratami zastajucca 17 fihurantaŭ spravy, siarod jakich 16 asobaŭ, čyje imiony źviazvajuć ź dziejnaściu byłoj arhanizacyi «Bieły lehijon», i aktyvist sacyjał-demakratyčnaj partyi Siarhiej Kuncevič.
