Na mierapryjemstvie, pryśviečanym 71-hodździu Minskaha traktarnaha zavoda, dyrektar pradpryjemstva Fiodar Damacienka ŭručyŭ najlepšym rabotnikam hramaty, daŭ spravazdaču pierad supracoŭnikami za hod pracy, a taksama adkazaŭ na pytańni žurnalistaŭ.
Kamientujučy infarmacyju ab tym, što jamu pradrakajuć pasadu kiraŭnika Minabłvykankama, dyrektar MTZ raspavioŭ žurnalistam, što aficyjna ź im hetaje pytańnie nie abmiarkoŭvałasia.
— U mianie niama temy dla razmovy, tamu ja ničoha nie viedaju. Kudy pašle kiraŭnik dziaržavy, tam i budu pracavać.
Akramia taho Fiodar Damacienka raspavioŭ, jak stavicca da žadańnia «Amkadora» vyrablać aŭtatraktarnuju techniku — u novy zavod płanujuć ukłaści 300-350 młn dajaaraŭ.
— Heta pamyłkovaje mierkavańnie nakont «Amkadora». Heta šarnirna-sučlenienaja kanstrukcyja ŭ dyjapazonie 300 k.s. (Imavierna, havorka idzie pra traktary z šarnirna-sučlenienaj ramaj), jakaja nie maje nijakaha dačynieńnia da traktarnaha zavoda.
Kiraŭnik Minskaha traktarnaha zavoda taksama adznačyŭ, što takaja vytvorčaść pojdzie na karyść Biełarusi - «Amkador» zmoža zaniać nišu techniki, jakuju vypuskaje «Pieciarburhski traktarny zavod».
Pra toje, što kadry syduć da Alaksandra Šakucina (kiraŭnika «Amkadora»), Fiodar Damacienka taksama nie chvalujecca.
— Kanstruktary, jakija atrymlivajuć vysokuju zarabotnuju płatu - u ich niama žadańnia pakidać zavod. Na MTZ jany atrymlivajuć bolš 1000 rubloŭ.
