Śledčyja vyśviatlajuć abstaviny hibieli znojdzienaha ŭ Muchaŭcy mužčyny, paviedamiła BiełTA aficyjny pradstaŭnik USK pa Bresckaj vobłaści Maryna Drańkova.
Aŭtamabil «Folksvahien Šaran», u jakim na miescy kiroŭcy znachodziłasia cieła mužčyny, byŭ znojdzieny 31 traŭnia vadałazami-ratavalnikami ŭ race Muchaviec, pryblizna za 70 m ad mosta pablizu vioski Ščehliki. Śledča-apieratyŭnaja hrupa vyśvietliła asobu zahinułaha. Im akazaŭsia 44-hadovy mužčyna, jakoha šukajuć z 19 maja. Pa dadzienym fakcie Žabinkaŭskim rajonnym adździełam Śledčaha kamiteta raspačata kryminalnaja sprava.
Padčas ahladu śladoŭ kryminalnaha charaktaru na ciele mužčyny nie vyjaŭlena. Pry sabie ŭ jaho byŭ partmanet z dakumientami i hrašyma. Fary aŭtamabila byli ŭklučanyja, zamki dźviarej adčynienyja. Z metaj vyśviatleńnia ŭsich abstavinaŭ zdareńnia dapytvajucca blizkija zahinułaha, taksama dla vyznačeńnia dakładnaj pryčyny jaho śmierci pryznačana sudova-miedycynskaja ekśpiertyza. Sa słoŭ rodnych, mužčyna ŭ adzinočku źjechaŭ u toj dzień na rybałku. U dadzienym rajonie jaho bačyli i miascovyja žychary.
