Ekspłuatacyja novaha vidu naziemnaha hramadskaha transpartu — elektrabusaŭ — pačałasia ŭ Minsku jašče ŭ siaredzinie minułaha miesiaca. Adnak u niekatorych žycharoŭ horada da hetaha času ŭźnikaje pytańnie: jak apłačvać u ich prajezd? Pa tłumačeńni karespandent ahienctva «Minsk-Naviny» źviarnuŭsia ŭ «Minsktrans».
«Dla paćvierdžańnia apłaty prajezdu ŭ elektrobusach prymianiajucca kvitki na adnu pajezdku i elektronnyja prajaznyja, u składzie jakich adzin ź vidaŭ transpartu — tralejbus», — raspaviali na pradpryjemstvie.
Nahadajem, čatyry elektrobusy ŭžo pieravoziać pasažyraŭ pa tralejbusnym maršrucie № 59 DS «Siarova» — Daŭhabrodskaja». U bližejšy čas jany taksama pačnuć kursiravać pa tralejbusnym maršrucie № 43 «DS «Družnaja» — DS «Siarova». Pieršyja vodhuki žycharoŭ i haściej stalicy ab pracy sučasnaj techniki ŭ asnoŭnym stanoŭčyja.
Bazujecca novaja technika ŭ tralejbusnym parku № 2, dzie stvoranyja ŭsie ŭmovy dla jaje techničnaha absłuhoŭvańnia, a pa šlachu ich ruchu (na kančatkovych prypynačnych punktach) ustanoŭlenyja śpiecyjalnyja zaradnyja pryłady — pantohrafy.
Usie elektrobusy ajčynnaj vytvorčaści, zborka naładžanaja na «Biełkamunmašy». U pieršaj partyi, jakaja pastupova pastupaje ŭ rasparadžeńnie «Minsktransa», dvaccać mašyn. Usie jany adnoj madeli — E 433 Vitovt Max Electro. Heta nizkapadłohavaja sučlenienaja madel umiaščalnaściu 150 pasažyraŭ, z 38 siadziačymi miescami.
