Siaredniaja krasavickaja zarpłata biełarusaŭ pavialičyłasia da 777 rubloŭ. Zarpłatnyja lidary — IT-śpiecyjalisty — zarablajuć amal u 5 razoŭ bolš za siaredni pakaźnik pa krainie, a ŭ kultury — u 1,8 razy mienš. Tut.by pahladzieŭ, jak zarobki biełarusaŭ adroźnivajucca ad zarobkaŭ u susiednich krainach.
U Rasii siaredniaja zarpłata ŭ krasaviku skłała kala 1000 rubloŭ (usie sumy ŭ tekście padadzienyja ŭ biełaruskich rublach). Heta na 6,7% bolš, čym za anałahičny pieryjad minułaha hoda.
Va Ukrainie atrymlivali ŭ krasaviku ŭ siarednim 470 rubloŭ. Heta na 1,4% mienš, čym u sakaviku. Bolš za ŭsich atrymlivajuć rabotniki avijacyjnaj haliny (1810 rubloŭ), a mienš za ŭsich — rabotniki pošty i kurjery (250 rubloŭ). Pa rehijonach najvyšejšyja zarobki ŭ Kijevie — 770 rubloŭ.
Kazachi ŭ siarednim atrymlivali ŭ krasaviku 830 rubloŭ.
U Polščy siaredniaja krasavickaja zarpłata skłała 2240 rubloŭ. Litoŭcy ŭ siarednim atrymlivajuć 1710 rubloŭ da vypłaty padatkaŭ. U Łatvii ŭ pieršym kvartale siaredni bruta-zarobak (da vypłaty padatkaŭ) składzie 1850 rubloŭ u miesiac. Heta na 7,2% bolš, čym u pieršym kvartale minułaha hoda, śviedčać dadzienyja Centralnaha statystyčnaha ŭpraŭleńnia. Siaredni miesiačny bruta-zarobak pavialičyŭsia ŭ Estonii ŭ pieršym kvartale ŭ paraŭnańni z anałahičnym pieryjadam minułaha hoda na 5,7% da 2410 rubloŭ u miesiac.
