Čytač «Našaj Nivy» dasłaŭ u redakcyju fota, zroblenaje ŭ muziei Biahomla.
Na im dziŭnaja mapa z «administracyjna-terytaryjalnym padziełam Biełoruśsii», dzie miežy nie adpaviadajuć dekłaravanamu stahodździu, a taksama etapy «ŭźjadnańnia z Rasijaj» — za ich vydajucca daty padziełu Rečy Paspalitaj.
«Uźjadnańnie z Rasijaj» — heta histaryčny fejk, stvorany maskoŭskimi historykami, kab apraŭdać zachop terytoryj, jakija dahetul nikoli ŭ składzie Rasijskaj Impieryi nie byli.
Sa śmierciu Savieckaha Sajuza takaja kancepcyja adpała za niepatrebnaściu, i ŭ siońniašnich biełaruskich padručnikach niama rasijskich prapahandyskich štampaŭ pra «ŭźjadnańni».
Dyk čamu tady ŭ 2017 hodzie ŭ muziei niezaležnaj krainy visiać takija karty?
Pra heta my zapytalisia ŭ dyrektarki Biahomlskaha muzieja.
«Hetaja ekspazicyja rabiłasia jašče ŭ 1980-ja hady. My i nie pieraroblivali ničoha, tolki adnu zału, inšyja nie čapali. Užo kolki hadoŭ jana tam visić… Dziakuj, budziem viedać, pahladzim, što tam možna prybrać», — skazała nam dyrektarka.
