Yevgeniy B, blackseanews.net
Ukrainski łajnier «Hienierał Vatucin» idzie ŭ Rastoŭ-na-Donie pavodle rašeńnia novaha ŭłaśnika, pasažyraŭ na sudnie niama. Pra heta ŭ aŭtorak, 6 červienia, paviedamlaje prezident kampanii «Čiervona ruta», što arandavała łajnier, Juryj Sakałoŭ.
«Pamianiaŭsia ŭłaśnik, ciapier sudna pad ściaham Bieliza. Byŭ ukrainski, chadziŭ pad ukrainskim ściaham. Ale dva tydni tamu byŭ źniaty aficyjna z ukrainskaha rejestra (sudoŭ). Novy haspadar padniaŭ ściah Bieliza, atrymaŭ novyja dakumienty na jaho i syšoŭ», — adznačyŭ kiraŭnik kampanii.
Jon adznačyŭ, što «paśla troch z pałovaj hadoŭ biaździejnaści inviestar vyrašyŭ vyvieści karabiel i pradać abo pieradać». Pa słovach Sakałova, pieršapačatkova sudna afarmlałasia ŭ kirunku małdaŭskaha porta Džurdžulešty. Jak adznačyŭ telekanał RIEN TB, łajnier da hetaha pierapradavaŭsia niekalki razoŭ.
Raniej u toj ža dzień paviedamlałasia, što «Hienierał Vatucin» zamiest zachodu ŭ port Adesy pačaŭ ruchacca ŭ bok Rasii, uziaŭšy kurs na Rastoŭ-na-Donie. Ciepłachod vyjšaŭ u kruiz z ukrainskaj stalicy 1 červienia.
