Sabiekošt žyllova-kamunalnych pasłuh u Minsku płanujecca źnižać minimum na 5% štohod (u supastaŭnych umovach da papiaredniaha pieryjadu). Heta praduhledžana prahramaj sacyjalna-ekanamičnaha raźvićcia horada na 2016-2020 hady, apublikavanaj siońnia na Nacyjanalnym pravavym internet-partale, paviedamlaje BIEŁTA.
Zhodna z dakumientam, stvareńnie słužbaŭ zamoŭcaŭ i padradčykaŭ žyllova-kamunalnych pasłuh dazvolić udaskanalić strukturu kiravańnia ŽKH Minska, zacikavić vykanaŭcaŭ u ekanamičnych vynikach svajoj dziejnaści i pryviadzie da pavyšeńnia jakaści absłuhoŭvańnia žylla i dobraŭparadkavańnia terytoryj, a taksama źnižeńnia vydatkaŭ na akazańnie dadzienych pasłuh.
Źbiralnaść płaciažoŭ za žyllova-kamunalnyja pasłuhi, akazanyja fizičnym i jurydyčnym asobam, płanujecca da 2020 hodzie na ŭzroŭni 90%.
Dla pavyšeńnia jakaści akazvajemych žyllova-kamunalnych pasłuh płanujecca štohadovaje pavieličeńnie abjomaŭ kapitalnaha ramontu ekspłuatujemaha žyllovaha fondu. Prahnazavany ŭvod płoščy žyłych damoŭ paśla kapitalnaha ramontu ŭ biahučaj piacihodcy składzie 4,41 młn. kv. m. Zapłanavanaja zamiena i madernizacyja ŭ žyłych damach 5 772 liftaŭ, jakija adpracavali narmatyŭnyja terminy ekspłuatacyi.
Čakany vynik ad realizacyi ŭsiaho kompleksu mier — štohadovaje źnižeńnie kolkaści piśmovych pretenzij na jakaść akazvajemych pasłuh na 1,5% da ŭzroŭniu papiaredniaha hoda.
