Vidavočcy paviedamili BiełTA pra toje, što pa mienšaj miery čatyry čałavieki paciarpieli ŭ vyniku DTZ, jakoje adbyłosia ŭ Barysaŭskim rajonie ŭviečary 16 červienia.
Prykładna a 19.30 na 434-m kiłamietry aŭtatrasy Brest-Minsk-miaža RF (M1) kala raźviazki Barysaŭ-Bierazino UAZ urezaŭsia ŭ kałonu bajkieraŭ, jakaja ruchałasia ŭ kirunku Barysava.
U vyniku darožna-transpartnaha zdareńnia pa mienšaj miery čatyry matacyklisty atrymali ranieńni roznaj stupieni ciažkaści. Troje ź ich atrymali ciažkija traŭmy i byli dastaŭleny ŭ reanimacyjnaje adździaleńnie bližejšaj balnicy.
Na miescy avaryi pracavała apieratyŭna-śledčaja hrupa. Pryčyny i abstaviny DTZ vyśviatlajucca, viadziecca apytańnie śviedkaŭ.
Pa niekatorych źviestkach, adzin UAZ ciahnuŭ na žorstkaj sčepcy inšy. U niejki momant jany pačali pierastrajeńnie u susiedniuju pałasu, pa jakoj ruchalisia siem matacyklistaŭ. Troje ź ich paśpieli prajechać, adnak čatyry nie paśpieli paźbiehnuć sutyknieńnia.