Majkł Fełps — adziny ŭ historyi sportu 19-razovy alimpijski čempijon pa płavańni.
Znakamity płyviec Majkł Fełps, jaki ŭtrymlivaje tytuł samaha paśpiachovaha spartsmiena ŭ historyi Alimpijskich hulniaŭ, voźmie ŭdzieł u zapłyvie navypieradki ź vialikaj biełaj akułaj dla teleprahramy na kanale «Dyskaviery».
«Samy tytułavany spartoviec u śviecie supraćstaić samamu efiektyŭnamu drapiežniku akijana», — anansuje «Dyskaviery» budučuju honku.
Šancy Fełpsa na pieramohu zdajucca nievialikimi: amierykaniec zdolny raźvić u vadzie chutkaść da 6 mil u hadzinu (9,6 km/h), a akuła — da 25 mil u hadzinu (40,2 km/h).
Na dumku pradstaŭnika Aŭstralijskaha tavarystva zachavańnia moraŭ Tuni Mata, u honcy pieramoža akuła.
«My ŭsie možam być upeŭnienyja, što honka Fełpsa i akuły budzie prachodzić nie ŭ alimpijskim basiejnie. Ja dumaju, što budzie paraŭnoŭvacca chutkaść čałavieka ŭ vadzie i chutkaść arhanizma, jaki na praciahu miljonaŭ hadoŭ raźvivaŭsia ŭ vodnym asiarodździ i idealna da jaje prystasavany», — kaža Mata.
Majkł Fełps — adziny ŭ historyi sportu 19-razovy alimpijski čempijon pa płavańni.
Biełaja akuła — adna z z najbujniejšych drapiežnych ryb na Ziamli, moža dasiahać siami mietraŭ u daŭžyniu.
