Achviarami lasnych pažaraŭ u Partuhalii stali sama mieniej 62 čałavieki, niekatoryja ź ich zahinuli ŭ vohniennaj pastcy, kali ich aŭtamabili apynulisia zabłakavanyja na abchoplenaj ahniom darozie.
Jašče 59 čałaviek, u tym liku pažarnyja, atrymali apioki roznaj stupieni ciažkaści.
Premjer-ministr krainy Antoniu Košta nazvaŭ toje, što adbyvajecca «vialikaj trahiedyjaj».
U zonu biedstva skiravanyja 160 pažarnych raźlikaŭ.
«Kolkaść zahinuŭšych jašče moža pavialičycca», - papiaredziŭ kiraŭnik urada, vystupajučy ŭ ŭ štab-kvatery słužby hramadzianskaj abarony.
Dziaržaŭny sakratar pa pytańniach unutranych spraŭ Žorže Homieš kazaŭ žurnalistam, što 16 zahinułych zhareli žyŭcom u svaich aŭtamabilach na aŭtatrasie ŭ municypalitecie Piedrahan-Hrandzi na ŭschodzie krainy. Jany sprabavali pakinuć rajon lasnych pažaraŭ.
Jašče troje zadychnulisia ŭ dymie.
Zhareły dom u pasiołku Piedrahan-Hrandzi.
Mer adnaho z nasielenych punktaŭ raniej skazaŭ žurnalistam, što dla taho, kab zaścierahčy ŭsie pasiołki, jakim pahražaje ahoń, nie chapaje pažarnych.
Ahoń raspaŭsiudžvajecca ź vialikaj chutkaściu, ruchajučysia adnačasova z čatyroch napramkaŭ, kazaŭ Homieš.
Prezident krainy Marsiełu Rebiełu dy Soza adpraviŭsia ŭ rajon biedstva, kab sustrecca ź siemjami zahinuŭšych. Jon zajaviŭ, što pažarnyja zrabili «usio, što mahli».
U niekalkich rehijonach Partuhalii śpioka ŭ apošnija dni pieravyšała 40 hradusaŭ.
Lasnyja pažary časta adbyvajucca ŭ Partuhalii, adnak čaściej za ŭsio ŭ žniŭni, kali na terytoryi krainy ŭstaloŭvajecca suchoje i haračaje nadvorje. Hod tamu ŭ ich tušeńni brali ŭdzieł kala 4 tysiač pažarnych i 26 samalotaŭ.
U minułyja hady ad pažaraŭ bolš pakutavała paŭnočnaja, lasistaja častka Partuhalii.
