Dzima Jermuzievič.
Uład Bumaha z prychilnicaj.
Uličvajučy, što nie tak daŭno tolki Uład Bumaha sabraŭ u Minsku kala troch tysiač prychilnikaŭ, čakałasia, što na fiestyvali z paraj dziasiatkaŭ kumiraŭ moładzi budzie zusim piekła. Ale pakolki ŭvachod byŭ płatny, ažyjataž spaŭ: nie kožny baćka daść dziciaci 35 rubloŭ na kvitok, a jašče na toje, kab pajeści na miescy ci nabyć firmovuju kiepku ad błohiera z Ukrainy Martynienki. Fiestyval ciahnuŭsia ad abiedu i da poźniaha viečara, tamu, tak ci inakš, na niešta z hetaha maładoje haračaje serca dakładna spakusiłasia b.
Zusim małyja dzieci ciahnuli z saboj baćkoŭ. Adzin tata, syn jakoha z zachapleńniem zdymaŭ na šosty ajfon vystup Ułada Bumahi, raskazaŭ nam, što chłopiec zahadzia paprasiŭ jaho nabyć kvitki. Baćka viedaje, što syn nieabyjakavy da tvorčaści Bumahi, ale sam jaho videa nie hladzieŭ, tamu na fiestyvali sumavaŭ.
Andrej Martynienka (Ukraina) i fanaty.
Bolš za ŭsio dzieci čakali, viadoma, nie sałodkuju vatu i nie papkorn. Zrabić sełfi z kumiram, dakranucca da jaho, uziać aŭtohraf ci pieradać padarunak — dziela hetaha niekatoryja hatovyja byli samaaddana stajać u čarzie hadzinami. I kali hety čaroŭny momant nadychodziŭ, maładziony davali sabie volu: prasili raśpisacca na rukach, tvary, pryznavalisia ŭ pačućciach i nie davali stupić kroku svaim kumiram.
Dla aŭtohrafaŭ cieła nie škada.
Stas Davydaŭ, This is Chorošo (sprava).
«Ja ciapier tydzień nie budu mycca!», — kryčaŭ chłopčyk paśla abdymkaŭ sa Stasam Davydavym z šou «This is Chorošo». Dziela sełfi jon pryjšoŭ na mierapryjemstva na mylicach. Karaciej, moładź było nie spynić. Navat achova, jakaja kožnyja piać chvilin supakojvała natoŭp dy nahadvała, chto tut hałoŭny, pierad narodnaj luboŭju była biaśsilna.
Pradstaŭnik LizzzTv (Rasija) razdaje aŭtohrafy.
KaMaDa, Brest.
Na scenie — błohiery Natalla Kisiel, Ciłlniaška, Dzima Maślenikaŭ.
Dzima Jermuzievič, Jula Hadunova i Uład Bumaha raskazvajuć, što błohierstva dapamahaje być sytymi.
Niepadalok ad uvachodu.
Akramia zabaŭlalnaj častki, na fiestyvali pracavała adukacyjnaja zona, dzie papularnyja błohiery dzialilisia dośviedam i raskazvali, jak pačać budavać biznes na ŭłasnym jutub-kanale. Rychtujciesia, baćki, mahčyma, novy błohier chutka źjavicca mienavita ŭ vašaj siamji! Tym bolš, arhanizatary «Vidaka» spadziajucca pravodzić fiestyval i nadalej i dahaniać krainy-susiedki, dzie jutub-padziei ładziacca ŭžo nie pieršy hod.
