U Maładziečnie dyrektar stadyjona prysvojvaŭ zarpłatu fiktyŭnaha prybiralščyka, paviedamili ŭ pres-słužbie UUS Minabłvykankama.
Z 2013 pa 2017-y ŭ jakaści prybiralnika na haradski stadyjon Maładziečna byŭ pracaŭładkavany čałaviek, jaki faktyčna nie pracavaŭ. U toj ža čas spraŭna naličvałasia zarpłata.
Praca praduhledžvała nienarmavany dzień, da taho ž nie mieła vyrazna fiksavanaha abjomu. Atrymlivałasia, što dvoje prybiralščykaŭ spraŭna źjaŭlalisia na pracu, vykonvali svaje funkcyi, a pra isnavańnie treciaha kalehi navat nie viedali. Tym časam na kartku fiktyŭnaha supracoŭnika štomiesiac naličvalisia nibyta zaroblenyja sumy.
«U chodzie kompleksu apieratyŭna-vyšukovych mierapryjemstvaŭ my pryjšli da vysnovy, što naličanyja sumy dyrektar stadyjona rehularna zdymaŭ z kartki i vykarystoŭvaŭ hrošy pa ŭłasnym žadańni. Ahulnaja suma vykradzienaha składaje amal 13 tysiač rubloŭ», — skazali ŭ ABEZ Maładziečanskaha RAUS.
U dačynieńni da dyrektara stadyjona raspačataja kryminalnaja sprava pa č. 3 art. 210 (kradziež šlacham złoŭžyvańnia słužbovymi paŭnamoctvami) KK RB. Pravodzicca rasśledavańnie.