U Traktarnym pasiołku ŭ Miensku pačali znosić małapaviarchovuju zabudovu. Zamiest 2-paviarchovych damoŭ u kvartale vulic Stachanaŭskaj, Kłumava, Ščarbakova, Čabatarova majucca ŭźvieści panelnyja damy «novaha pakaleńnia».
Raniej miascovyja žychary nakiravali ŭ administracyju Partyzanskaha rajonu i prezydenckuju administracyju zvarot sa 176 podpisami. Prośba była adna — admianić rašeńnie ab znosie ich damoŭ.
Aŭtary adznačajuć, što prajekt zabudovy terytoryi 5-7-paviarchovymi damami byŭ zaćvierdžany 10 hadoŭ tamu. Pastupova jon sastareŭ i byŭ skarektavany, a heta aznačaje nieabchodnaść novaha hramadzkaha abmierkavańnia ŭsiaho prajektu.
Aktyvisty i nieabyjakavaja hramadzkaść spadziavalisia, što ich šmatlikija prośby i petycyi buduć pačutyja ŭładami, a horad paźbiehnie čarhovaha kanfliktu i supraćstajańnia.
Adnak publičnaje abmierkavańnie kanfliktnaj sytuacyi administracyja Partyzanskaha rajonu Miensku pryznačyła tolki na siońniašni viečar — faktyčna paśla taho, jak ciažkaja technika prystupiła da rujnavańnia miascovaj zabudovy.
Darečy, u zvarocie padpisanty prosiać kiraŭnictva administracyi pasadziejničać ustalavańniu pamiatnaha znaku, pryśviečanaha zasnavańniu pasiołku, jaki adnym ź pieršych paŭstaŭ u razburanym vajnoj Miensku.