Pradukcyja ŚMI ŭ Biełarusi z 1 lipienia budzie raspaŭsiudžvacca z uzrostavaj markiroŭkaj, paviedamlaje BiełTA. Heta praduhledžana papraŭkami ŭ zakony «Ab srodkach masavaj infarmacyi» i «Ab vydavieckaj spravie ŭ Respublicy Biełaruś». Markiroŭku ŭvodziać dziela abarony dziaciej ad infarmacyi, jakaja moža «nanieści škodu ich zdaroŭju i raźvićciu».
Markiroŭku pradukcyi ŚMI i drukavanych vydańniaŭ pavinny ŭvodzić redakcyi, a taksama vydaŭcy. Admietna, što vydańni, jakija vyjšli da 1 lipienia 2017 hoda, mohuć zastavacca biez takoj markiroŭki.
Hradacyja markirovak budzie nastupnaj: «0+» — biez abmiežavańniaŭ pa ŭzroście, «6+» — dla dziaciej ad 6 hod, «12+» — dla padletkaŭ ad 12 hod, «16+» — dla asobaŭ ad 16 hod i «18+» — dla asobaŭ ad 18 hod.
Dla infarmacyjnych resursaŭ, raźmieščanych u internecie, praduhledžany dobraachvotny paradak markiroŭki.