Pra namier pravieści 7 lipienia, padčas siesii PA ABSIE, akcyju salidarnaści z palitviaźniami i suprać biełaruska-rasijskich vučeńniaŭ «Zachad-2017» zajaviŭ napiaredadni aktyvist «Jeŭrapiejskaj Biełarusi» Maksim Viniarski.
Aktyvisty pryjšli na pikiet z partretami Dźmitryja Palijenki, Michaiła Žamčužnaha, Alaksieja Milukova, Illi Vałavika, Iryny Mocnaj.
Pavodle pravaabaroncaŭ, palitviaźniaŭ dvoje: aktyvist Dźmitryj Palijenka, jaki ŭtrymlivajecca ŭ Babrujskaj kałonii, i vykładčyk ź Viciebska, pravaabaronca Michaił Žamčužny, asudžany za toje, što sprabavaŭ tajemna prasłuchoŭvać milicyjantaŭ.
Pikiet prajšoŭ mirna. Vakoł byli ludzi ŭ cyvilnym, ale jany tolki nazirali. Akcyja praciahvałasia kala 45 chvilin. Potym aktyvisty razyšlisia.
Ideju akcyi padtrymaŭ i Biełaruski nacyjanalny kanhres, jakuju ŭznačalvaje Mikoła Statkievič.
«Rada BNK vykazvaje ŭdziačnaść ŭsim mužnym patryjotam, jakija pryniali ŭdzieł u našaj akcyi 3 lipienia ŭ Minsku i zajaŭlaje pra padtrymku pikietu 7 lipienia i jaho patrabavańniaŭ vyzvalić i reabilitavać usich biez vyklučeńnia palitviaźniaŭ. My taksama vykazvajemsia suprać masavaj prysutnaści ŭ krainie zamiežnych vajskoŭcaŭ na vučeńniach u vieraśni», — adznačałasia ŭ zajavie BNK.
