Bajdaračniki praciahvajuć radavać. Siońnia, 23 žniŭnia, Vadzim Machnieŭ i Raman Pietrušenka ŭziali bronzu ŭ honkach bajdarak-dvojek na 500 metraŭ. Heta druhi ich medal za hetuju alimpijadu: chłopcy ŭčora ŭziali zołata ŭ składzie bajdarki-čaćviorki. Na Alimpijadzie ŭ Afinach u 2004 h. Machnieŭ i Pietrušenka taksama zavajavali byli bronzu.
Taksama siońnia biełaruskaja himnastka Ina Žukava ŭziała srebra pa mastackaj himnastycy. Jaje medal —18-y pa liku ŭ biełaruskaj zbornaj.
Zakryćcio Alimpijady zaŭtra, 24 žniŭnia. Ale ŭžo siońnia možna skazać, što sioleta nacyjanalnaja zbornaja vystupiła najlepš za ŭsiu historyju ŭdziełu niezaležnaj Biełarusi ŭ Alimpijadach.
Nahadajem, dahetul najbolšy pośpiech byŭ u Sydnei ŭ 2000 h., kali biełarusy ŭziali 17 medaloŭ — 3 załatyja, 3 srebnyja i 11 bronzavych. Sioleta majem užo 4 załatyja, 5 srebnych i 9 bronzavych.
