U aŭtorak, 18 lipienia, kiraŭnik samaabvieščanaj Danieckaj narodnaj respubliki (DNR) Alaksandr Zacharčanka abviaściŭ pra stvareńnie novaj fiederatyŭnaj dziaržavy pad nazvaj Małarosija, u skład jakoj, pavodle jaho słoŭ, uvojduć usie vobłaści ciapierašniaj Ukrainy. Dla pamočnika rasijskaha prezidenta Uładzisłava Surkova, jaki kuryruje ŭkrainski napramak, inicyjatyva Zacharčanka była niečakanaściu, śćviardžajuć dźvie blizkija da administracyi prezidenta krynic RBK.
«Inicyjatyva 100% išła nie ad Surkova», — zajaviŭ RBK adzin z krynic. Pavodle jaho słoŭ, ź idejaj vystupiła asiarodak kiraŭnika DNR. «Administracyja była nie ŭ temie. Heta asabistaja inicyjatyva Zacharčanki i jaho nabližanych», — paćvierdziŭ inšy surazmoŭca RBK.
Blizki da Uładzisłava Surkova ekśpiert Alaksiej Česnakoŭ zajaviŭ TASS, što prajekt stvareńnia Małarosii vyłučany šeraham piśmieńnikaŭ i błohieraŭ, blizkich da kiraŭnictva DNR, i ŭ samim kiraŭnictvie Danieckaj respubliki mnohija jaho ličać niesurjoznym. «Prajekt chutčej litaraturny, čym palityčny. Da realnaj palityki Małarosii inicyjatyva nie maje nijakaha dačynieńnia», — skazaŭ jon. «Šum uźniaty vialiki, ale praź miesiac na Małarosiju zabuducca ŭsie, uklučajučy aŭtaraŭ hetaj idei», — skazaŭ na zakančeńnie ekśpiert.
U paviedamleńni na partale «Naviny Danieckaj respubliki» havaryłasia, što rašeńnie ab stvareńni Małarosii ŭłady DNR i ŁNR pryniali sumiesna. Ale ŭ bližejšyja hadziny paśla zajavy Zacharčanki ŭ samaabvieščanaj Łuhanskaj narodnaj respublicy abvierhli dačynieńnie da idei Małarosii. Ułady ŁNR nie prymali ŭdziełu ŭ pasiadžeńni ŭ Daniecku, na jakim było abvieščana ab stvareńni novaj dziaržavy pad nazvaj Małarosija, zajaviŭ staršynia «narodnaha savieta» ŁNR Uładzimir Dziehciarenka.
