U Minsku ŭ 2016 hodzie 63 čałavieki pryciahnuty da kryminalnaj adkaznaści za ŭchileńnie ad słužby ŭ vojsku, paviedamili ŭ Hienieralnaj prakuratury Biełarusi, pieradaje interfax.by.
«Za ŭchileńnie ad mierapryjemstvaŭ pryzyvu na vajskovuju słužbu ŭ 2016 hodzie da kryminalnaj adkaznaści pa art.435 KK pryciahnuta 63 asoby», — havorycca ŭ paviedamleńni viedamstva.
Pavodle infarmacyi Hienprakuratury, da asob, jakija nie źjavilisia ŭ vajenny kamisaryjat, byli ŭžytyja roznyja abmiežavalnyja-papieradžalnyja miery pa ich vyšuku i pryvadzie ŭ vajennyja kamisaryjaty. Akramia taho, časova abmiažoŭvałasia ich prava na vyjezd ź Biełarusi.
«Padčas hetaj pravierki prakuraturaj Frunzienskaha rajona Minska ŭ dačynieńni da dvuch pryzyŭnikoŭ, jakija ŭchililisia ad mierapryjemstvaŭ pryzyvu na vajskovuju słužbu, raspačatyja dźvie kryminalnyja spravy, jakija pa vynikach papiaredniaha rasśledavańnia nakiravanyja dla razhladu ŭ sud», — padsumavali ŭ Hienieralnaj prakuratury.