Padčas raskopak na poŭdni Turcyi byŭ znojdzieny, mahčyma, samy staražytny smajlik, paviedamlajuć infarmahienctvy sa spasyłkaj na «Anadału».
Tut i nižej fota: hurriyetdailynews.com
Padčas raskopak u horadzie Karkamyš byŭ znojdzieny zban, na jakim archieołahi zaŭvažyli simvał, padobny da sučasnaha smajlika.
Kiraŭnik turecka-italjanskaj hrupy archieołahaŭ Mikoła Markieci adznačyŭ, što śpiecyjalisty zrabili adnu z samych cikavych znachodak u hetym siezonie, vyjaviŭšy hetak staražytny smajlik. Pry hetym jon zaŭvažyŭ, što archieołaham nieviadoma, ź jakoj metaj majstar nanios taki znak na zban. Zhodna sa zdahadkami navukoŭcaŭ, zban byŭ zrobleny ŭ 1700 hodzie da našaj ery.
Znachodka budzie pieradadzienaja ŭ Archieałahičny muziej Hazijantepa.
U vakolicach staražytnaha horada Karkamyš raskopki viaducca ŭžo siem hadoŭ. Sponsarami vystupajuć Ministerstva kultury i turyzmu Turcyi, a taksama MZS Italii.