Reuters.com
Prezident ZŠA Donald Tramp rychtujecca inicyjavać rasśledavańnie ŭ dačynieńni da Kitaja pa abvinavačvańniach u parušeńni pravoŭ ZŠA na intelektualnuju ŭłasnaść i pieradačy technałohij. Pra heta ŭ piatnicu paviedamlaje Politico.
Krynicy vydańnia ŭ administracyi prezidenta paviedamili, što Tramp zrobić heta ŭžo ŭ paniadziełak. Rasśledavańniem u ramkach 301 artykuła Zakona ab handli ad 1974 hoda zojmiecca amierykanski pradstaŭnik na handlovych pieramovach Robiert Łajtchajzier. Hety artykuł dazvalaje Vašynhtonu ŭ adnabakovym paradku ŭstanavić barjery na šlachu ekspartnych tavaraŭ u krainu.
Adznačajecca, što pačatak rasśledavańnia nie paciahnie za saboj nieadkładnaha prymianieńnia sankcyjnych abmiežavańniaŭ u dačynieńni da Piekina. Tym nie mienš, krynicy Politico dapuskajuć, što ŭ budučyni pošliny na ŭvoz kitajskich tavaraŭ u ZŠA buduć pavyšanyja.
