Alaksandr Łukašenka siońnia ŭ čas naviedvańnia haspadarak u Škłoŭskim i Aršanskim rajonach raspavioŭ pra prezidenckaje pole, jakoje raźmieščana kala jaho małoj radzimy, i padzialiŭsia ŭspaminami ź dziacinstva, piša BiełTA.
Heta pole niezvyčajna jašče i tym, što raźmieščana adrazu na terytoryi dźviuch abłaściej — Mahiloŭskaj i Viciebskaj.
Pa słovach Łukašenki, na hetym poli jon pracavaŭ z małych hadoŭ, i ŭ suviazi z hetym u jaho zachavalisia dva najbolš jarkija ŭspaminy. «Pieršaje, kali ja sam vadziŭ kania, abhaniajučy bulbu. Pole było padzielena na try častki. Było 12 hadzin dnia, śpioka niejmaviernaja, avadni, muchi …» - raspavioŭ jon.
«A potym užo ja sam abhaniać bulbu (heta druhoje ŭražańnie), a małodšy stryječny brat vadziŭ kania. Jon byŭ krychu mienšy za mianie rostam, i jamu ŭvieś čas treba było iści, trymajučy ruki ŭvierch, — kania vieści», - padzialiŭsia ŭspaminami Alaksandr Łukašenka. «Uvohule ŭražańni nie całkam dobryja pa tych časach, ale vielmi karysnyja dla ciapierašniaha času», - dadaŭ biełaruski lidar.