Na trasu buduć ździajśniać pasadku samaloty i viertaloty Uzbrojenych Sił Biełarusi i Rasii.
Učastak trasy M4 Minsk — Mahiloŭ pierakryty ranicaj u piatnicu dla vučeńniaŭ biełaruskaj i rasijskaj avijacyi.
Daroha pierakrytaja aŭtamabilami DAI, na miescy taksama dziažurać vajskoŭcy, pieradaje karespandent sputnik.by.
Raniej Minabarony Biełarusi paviedamlała pra toje, što z 23 pa 25 žniŭnia ŭ Biełarusi projdzie apieratyŭna-taktyčnaje vučeńnie z vykarystańniem avijacyi. Biełaruskija i rasijskija samaloty i viertaloty buduć adpracoŭvać pasadku na aeradromy Biełarusi, u tym liku i na ŭčastak aŭtatrasy.
Vajennaje viedamstva adznačyła, što mierapryjemstvy prachodziać u ramkach padrychtoŭki da vučeńniaŭ Uzbrojenych Sił Biełarusi i Rasii «Zachad-2017».
Sumiesnyja Vučeńni «Zachad-2017» projduć z 14 pa 20 vieraśnia na šaści vajennych palihonach na terytoryi Biełarusi. Zapłanavany ŭdzieł u manieŭrach kala 13 tysiač vajskoŭcaŭ dźviuch krain.
