Pad Mazyrom sproba zrabić sełfi skončyłasia žanočaj bojkaj i milicyjaj.
Kampanija adpačyvała na race pablizu vioski Łučaževičy. Pobač stajaŭ traktar, jaki naležyŭ miascovaj arhanizacyi. Adzin z mužčyn zalez u jaho, kab zrabić sełfi.
Žančyna-vartaŭnik zrabiła jamu zaŭvahu, pačałasia svarka. Da jaje dałučyłasia žonka amatara sełfi.
Kanflikt pamiž žančynami prachodziŭ u bolš ahresiŭnaj formie. 36-hadovaja mazyranka, u jakoj arhumienty skončylisia, udaryła vartaŭnicu kułakom u tvar, paśla čaho kampanija sieła ŭ aŭtamabil i źjechała, paviedamlaje telekanał «Mazyr».
Paciarpiełaja vyklikała milicyju. Praź niekatory čas padazravanaja ŭ chulihanstvie była zatrymanaja.
Žančyna svaju vinu pryznała, kaža, kryŭdna stała za muža. Ciapier žančynu čakaje sud.
0
0
0
0
0
0
