Irłandskija navukoŭcy vyśvietlili, što złoŭžyvańnie antybijotykami pryhniataje kišečnuju mikrafłoru i pravakuje parušeńni psichičnaha zdaroŭja, u pryvatnaści, tryvohu i depresiju. Adpaviednaje daśledavańnie apublikavanaje ŭ časopisie Microbiome, koratka pra jaho paviedamlajuć infarmahienctvy sa spasyłkaj na BioMed Central.
Ekśpierty miarkujuć, što mikroby, jakija nasialajuć kišečnik, upłyvajuć na ŭtrymańnie mikraRNK u mindalinach i pieradfrantalnaj kary hałaŭnoha mozhu. Mienavita dadzienyja elemienty niervovaj sistemy adkazvajuć za raźvićcio tryvohi i depresii.
Aŭtary praviali ekśpierymienty na myšach. Adnych hryzunoŭ vyhadavali z kišečnymi bakteryjami, inšych — bieź ich (mikraarhanizmy źniščyli antybijotykami). Mienavita źmiena mikrafłory stravavalnaj sistemy paŭpłyvała na ŭtrymańnie mikraRNK u hałaŭnym mozhu žyvioł i ich stan.
Daśledavańnie śpiecyjalistaŭ dazvalaje vyłučyć novyja faktary, jakija akazvajuć upłyŭ na stan psichičnaha zdaroŭja ludziej. Ekśpierty miarkujuć, što vyniki ekśpierymientaŭ, praviedzienych z hryzunami, spraviadlivyja i dla ludziej.
