Eks-prezident Ukrainy Viktar Janukovič, jaki ŭciok u Rasiju, žyvie ŭ pasiołku Bakaŭka Adzincoŭskaha rajona Maskoŭskaj vobłaści. Pra heta raspavioŭ rasijskamu vydańniu Dni.Ru śpiavak Iosif Kabzon, jaki taksama žyvie ŭ hetym pasiołku.
«U Bakaŭcy płot da płota sa mnoj — my heta zbudavańnie žartam nazyvajem «Kitajskaja ściana» — siońnia žyvie były prezident Ukrainy Viktar Janukovič. Jaho tudy pasialili paśla pieravarotu na Majdanie. Aharodžu takoj vyšyni vy i ŭjavić sabie nie možacie! Hetaja dača ŭ Bakaŭcy kantralujecca našymi adpaviednymi orhanami», — skazaŭ Kabzon.
«Ale ad kaho ty chavaješsia? Bo kali zachočuć ciabie dastać, to dastanuć dzie zaŭhodna. I braniavanyja mašyny nie dapamohuć — ty ž vychodziš ź jaje, i baška zastajecca. Voś prykład — muž Maksakavaj, zabity ŭ Kijevie», — dadaŭ śpiavak.
Kabzon taksama zajaviŭ, što «ŭłasnymi siłami źniščyŭ by» Janukoviča za toje, što jon dapuściŭ Majdan va Ukrainie.
U sakaviku hetaha hoda advakat Janukoviča Vital Siardziuk śćviardžaŭ, što eks-prezident pastajanna pražyvaje ŭ Rastovie-na-Donie pa adrasie vuł. Jaromienki, 81V. U toj ža čas prakuror vajennaj prakuratury Rusłan Kraŭčanka zajaviŭ, što pa hetym adrasie nichto nie pražyvaje.
