EPA
Prezident ZŠA Donald Tramp padpisaŭ rasparadžeńnie, jakoje zabaraniaje prymać transhiendaraŭ na słužbu va ŭzbrojenyja siły, ale pakinuŭ los dziejučych vajskoŭcaŭ-transhiendaraŭ na razhlad Pientahona.
U miemarandumie, padpisanym Trampam, rašeńnie matyvujecca, siarod inšaha, vysokimi vydatkami na miedycynskaje absłuhoŭvańnie transhiendaraŭ.
Pra namier spynić prymać transhiendaraŭ va ŭzbrojenyja siły Tramp raptam paviedamiŭ miesiac tamu ŭ svaim tvitary. Novy dakumient farmalizuje rašeńnie prezidenta.
Transhiendaraŭ pačali prymać va ŭzbrojenyja siły pa rasparadžeńni papiaredniaha prezidenta Baraka Abamy.
U dyrektyvie Trampa taksama zabaraniajecca finansavać lubyja pracedury, źviazanyja ź pieramienaj połu vajskoŭcami, za vyniatkam užo pačatych, ale na dadzieny momant nie zavieršanych.
Da 21 lutaha 2018 hod ministr abarony Džejms Mecis pavinien budzie pradstavić Trampu padrabiazny płan pa realizacyi hetych źmien.
Aficyjny pradstaŭnik Biełaha doma nie ŭdakładniŭ, ci mohuć tyja transhiendary, chto ŭžo słužyć u vojsku ZŠA, praciahvać słužbu.
