president.gov.by
Pavyšany ŭzrovień viedaŭ u himnazijach budzie davacca ŭ dziasiatym i adzinaccatym kłasach, zajaviŭ u efiry telekanała «Biełaruś- 1» ministr adukacyi krainy Ihar Karpienka, paviedamlaje Sputnik.by.
Tema himnazij uzdymałasia na respublikanskaj piedahahičnaj naradzie ŭ čaćvier: kiraŭnik Minadukacyi zaklikaŭ pierahledzieć ich pracu, heta ŭkazvałasia ŭ pieraliku jaho prapanoŭ pa refarmavańni sistemy adukacyi, jakuju ŭchvaliŭ Alaksandr Łukašenka.
Jak raspavioŭ Karpienka ŭ efiry telekanała, u himnazijach u pierśpiektyvie buduć vykładać pa ahulnych standartach u ramkach pačatkovaha i bazavaha ŭzroŭniaŭ.
«A himnazičny, pavyšany ŭzrovień pavinien być na treciaj stupieni ahulnaj siaredniaj adukacyi — 10-11 kłasy», — skazaŭ na zakančeńnie ministr.
Na dumku Karpienki, ustupnyja ekzamieny ŭ 5-y kłas — lišni stres dla dziciaci, a ŭ takim junym uzroście pastupleńnie ŭ himnaziju — chutčej «ambicyi baćkoŭ», a nie jaho žadańnie.
Taksama Karpienka zajaviŭ ab tym, što ahulnaadukacyjnyja škoły «majuć takoje ž prava na adoranych vučniaŭ».
