ZŠA nakiravali dadatkovyja vajennyja samaloty ŭ pavietranuju prastoru siabroŭ NATA Litvy, Łatvii i Estonii na čas vajennych vučeńniaŭ Biełarusi i Rasii «Zachad-2017», pieradaje Reuters.
Adznačajecca, što siem amierykanskich źniščalnikaŭ F-15C pryziamlilisia na avijabazie ŭ horadzie Šaŭlaj na poŭnačy Litvy. Hetyja vajennyja samaloty buduć patrulavać nieba nad krainami Bałtyi.
Heta ŭ try razy bolš samalotaŭ, čym pry standartnym patrulavańni NATA hetych terytoryj. Apošni raz aljans abnaviŭ pratakoły z-za anieksii Kryma Rasijaj u 2014 hodzie.
Pry hetym sami krainy rehijonu nie ŭdzielničajuć u patrulavańni, daručyŭšy hetyja dziejańni partnioram pa NATA.
0
0
0
0
0
0
